15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Yoh u Ferdinand waka Lorenza da ka Bruce Lee Excellence Award

Advertisement ad1

Kam chibynta wow leh warom yaka lyngkooh dap 80 snem u Sijo Bruce Lee, ka Jeet Kune-Do Martial Arts Federation of India da pynkup burom ko da ka “Bruce Lee Excellence Awards-2020” cha ki 2 ngut kiwa napoh ka jylla Meghalaya kamjooh ya u Donny R Ranne da ka “Best Grand Master”.

Ya ka Bruce Lee Excellence Award da e cha u Ferdinand Suchiang wa ka Lorenza Songthiang.

U Ferdinand man u leh kam u dkhot yong ka Pipe Band hapoh yong ka Central Training Institute (CTI) yong ka Civil Defence wa Home Guards ha Mawdiangdiang Shillong, uwa man leh uwa yalehke wa da jop ha kiwa boon ki yalehke ha ki jylla waphær waphær kamjooh cha baar ri wei katni da man u kam uwa sikai ya kiwa yalehke yakura. U Ferdinand da jooh khur u boon tylli ki takma ksiar ha yalehke Jeet Kune Do deiwa yoh ksoh leh ya ka World Champion. Da jooh lai chimbynta u ha kiwa boon jait ki jait yalehke Martial Arts kam ka Kickboxing, Jeet Kune Do, Wushu, Muay Thai, Tangsodo, Taekwondo, wa kiwi kiwi.

U Ferdinand em u leh yaka Ferdy School of Martial Arts wa ka Revolution Mixed Martial Arts kawa em ha Shillong.

Ka Lorenza Songthiangi toh kawa yalehke Martial Arts kam ha Kickboxing, Wushu, Muay Thai wa Jeet Kune Do heiwa da yoh ko wow khur boon tylli ki takma ksiar ha ka yalehke Martial Arts cha baar jylla wa baar ri wei man ko leh ka khynnah skur yong ka St. Mary’s Higher Secondary School kawa puræ ya ka Class XII Arts. Ka Lorenza da jop ko leh ya ka 1st World Jeet Kune Do Championship 2018, Thailand (Gold Medal).

Da jooh man ko leh kam ka Goodwill Ambassador ka Rashtriya Kishor Swasthya Karyakram (RKSK).

U Grand Master Donny R. Ranne won toh uwa da wanrah boon tylli ki yalehke Martial Arts ha ka ri-loom Khasi Jaiñtia wei da man u leh uwa nongkong dooh na ki Khasi wa yoh ya ka kyrdan Black Belt ha ka yalehke Karate ha u 1974 na u Master Charlie Bein, wei da yoh u leh ya ka kyrdan 3 Dan Black Belt na ri Japan ha u snem 1993 na u Grand Master Keni Mabuni.

U Grand Master Donny da yoh u leh wow ya chimbynta ha ka 1st Karate-Do World Shito-Ryu ha u snem 1993 ha Tokyo. Da yoh u wow ksoh ya ka kyrdan 4 Dan Black Belt World Association Kickboxing Organization nadooh u snem 2002 wei da yoh u leh ya i naam Best Fighter ha ka Open Martial Arts Tournament ha u snem 1983 hapoh Aizawl, Mizoram.

U Grand Master Donny R Ranne da man u leh kam uwa sdang namo u Founder yong ka Kickboxing  Muay Thai, Jeet Kune Do wa u President ka National  Kickboxing  Federation (NG), u President yong ka Meghalaya Wushu Association, u E.C. Member Wushu Association of India, u GS ka Meghalaya Jeet Kune Do Association wa kiwi kiwi.

Ka Meghalaya School of Martial Arts da e khublei ko ya kini ki 3 ngut kiwa da yoh ya kani ka Award.

Share this:
Previous

Pynkhooid chnong ka KSU Nartiang Moodop Unit deilang wa ki bor chnong

Next

Pynkup burom u DGP ya ki 50 ngut ki pulit ka Meghalaya