Ka Meghalaya & Greater Shillong Progressive Hawkers and Street Vendors Association kawa man ka seiñ kiwa chong dai madan da pynman ki yaka Christmas Carol Service ha i thaw wa chong dai ki ha ka 21 tarik uni u bnai ha Shillong.
Ha katai ka sngi, ki dkhot yong ka seiñ wa kiwa chong dai madan waroh da chimbynta chong chit ki ha kani ka Christmas Carol Service heiwa da sangeh chi por ya ki kaam dai deiwa yieñ kynood ya i rwai “Miet Wa Khooid! Miet wa Jai Jai!” wei da thang leh ya ki mombati kam ka dak wa lehkmen wei pdiang ya ka aiom Christmas wa i wan man bru u Jisu cha ka pyrthai.
Ha ka 22 tarik won ka seiñ da yohlaad ko leh wow lai pait yaka lehkmen Christmas wa kiwa chong chnong ka Wahsohlait, Hima Nongspung wei da e sñiawbha da ki sula, ki juti wa kiwi de ki mar.
Ya ini i e sñiwbha da noh kyllooid da ki dkhot wa kiwa dai madan hi kiwa da e pyn da ki mar wa dai ki kam ki sula, ki juti, ki waje, ki Headphone, ki Speaker wa kiwi kiwi.
Ya ini da leh deiwa ya pynbait wa ka Dorbar Chnong Wahsohlait.
Ka seiñ da e khublei ko ya u Rangbah Shnong, kiwa kitkaam chnong wa ya kiwa chong chnong yong ka Wahsohlait.
Ka seiñ da e khublei Christmas wei snem thymme ryngkat wow yoh yei chait i khiah ya waroh.
