Khliehriat: Ka seiñ Meghalaya People United Front-EJHD, ynne ka sngi da pteiñ biang ko wow e yarap sñiawbha da ki kymmor sa cha kiwa chong chnong ka Umtyra, heiwa de e cha kamwa 20 tylli ki manyung yong ka chnong Umtyra, iwa man leh kam i e sñiawbha kam chibynta Christmas, heiwa ha kani ka sngi da yahkhmat da u President ka EJHD u Kyrshan Blah deilang wa u General Secretary u Kmenlang Siangshai, u Vice President u Prakash Shylla deilang wa kiwi ki dkhot.
Ha chwa wow e ya kini ki kymmor cha kiwa chong chnong, da yoh laad leh wow pynman ya ka yalang wa khian wa da pynlai da u Dayachembiang Bareh uwa man leh u Secretary chnong hei emlang kiwa chong chnong, da yoh leh yei klam ha kani ka sngi na u Hunlang Bareh uwa man leh u waheh chnong ka chnong Umtyra, uwa da e yei yaroh hadooh kattæ katæ yaka MPUF deiwa ong leh du ka MPUF wa yoo sakhiat u wa wan chakhmat wow e yarap næ wow pait yaki duk ki suk kamwa da yoo haki laad pathai khubor kawa man sakhiat ka seiñ kawa pait ya ini wa emkaam.
Ha kani ka sngi da yoh leh yei klam na u President u Kyrshan Blah, u Prakash Shylla wa ki kyntien e khublei na u Cyntarforward Lapasam uwa da e leh ya ki kyntien kitbok kit rwiang ya ka seiñ wow yoh ko yei nang yei chait nadooh uwa yahkhmat yaka hadooh ki dkhot yong ka wow ye chooh chooh ko wow pait yaki kup chiliang sem chiliang.
