15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Saam kymmor ka FKJGP cha kiwa duna hei doh i pran ha chnong Nongjngi

Advertisement ad1

Ka Federation of Khasi Jaiñtia & Garo People 12-Chnong Nongjngi Unit haka 23 tarik da pynman ko yaka Advance Christmas haka Madan E Yadaw Masi Raij Nongjngi kam ka dak pdiang ya i wan man bru u khonboo Jisu cha kani ka pyrthai ha kawa daki spah ngut kiwa chong chnong yong ka thaaiñ Nongjngi da wan ki wow sakhi lang wei ya chimbynta ki ha kani ka sngi, deilang wa kiwa chaad kiwa wan ya chimbynta wow pynphooh pynphieñ ya kani ka sngi wa kynthup yaka chnong Ionglwit, Murapuchai, Lumstong, Iongthma, Iangkar, Lumlyngdoh wa ka chnong Nongjngi.

Yaka yalang da pynlai da u Riyoo Pulang, President 12 Chnong Nongjngi Unit wei ya ki kyntien pdiang sñiawbha da yoh na u Deibha Khynriam, Secretary 12 Chnong Nongjngi Unit. Ha kani ka sngi da wan wow sakhi lang da kiwa kitkaam yong ka FKJGP Jaiñtia Hills Zone wa kynthup ya u Tuesday Lytep, President wa u D.S. War, Chief Organising Secretary.

Da yoh leh ya i klam na u Waheh Chnong yong ka Khliehchnong Nongjngi u Proning War, hei klam yong oo da pynsñiaw u yei sñiawkmen kawa khroo yaka seiñ wa du hapoh 2 bnai wa da wai yaka seiñ ha kani ka thaaiñ, tangwa ki kam kiwa radbah kiwa ka seiñ da yarap ko ya kani ka thaw wei da kyntu u leh yaki dkhot yong kani ka Unit wow man kiwa tip bru tip Blai wow dang kreh bha chooh chooh.

U Eveningstar Tron, u MDC kani ka thaaiñ da man kam u kongsan ha kani ka sngi uwa hei klam yong oo da ong u waka FKJGP toh ka seiñ kawa da rim bha wei em ko leh ya kiwa yahkhmat kiwa biang nadooh nachwa wa hadooh kattæ wei ki paidbah yong ka jylla Meghalaya em ki i chaniah yaka seiñ kawa em sakhiat leh ya i kitkhlieh yaka jaitbru ka yong i.

Da e u leh yei yaroh yaka FKJGP 12 Chnong Nongjngi Unit kawa chim ya kani ka luti kawa nynkong kawa da ye wow pynman kam ya kani ka yalang wa ki khon khynroo kiwa dang khai dang san da yoh ki wow ya chimbynta wei wow leh sñiawbha ha kani ka Advance Christmas wa da pynkhreh daka seiñ.

Hakani ka sngi neiliang yong ka seiñ da e sñiawbha ko leh da ki kymmor cha ki 24 ngut kiwa em i duna ha i doh i pran wa cha ki 16 ngut ki beipun papun kiwa da dap 65 snem chaneiñ. Hakani sngi da pynskhem leh yaki 14 ngut ki manbei yong ka FKJGP 12 Chnong Women’s Wing Nongjngi Unit, da pynbaam smai yaki da u Chief Organising Secretary ka Jaiñtia Hills Zone.

Ka kyrwoh na u Riyoo Pulang President FKJGP 12 Chnong Nongjngi Unit.

Share this:
Previous

Pteiñ ka MPUF wow e sniawbha daki kymmor sa cha ki manyung ka chnong Umtyra

Next

Kem ki pulit ka New Delhi ya ka Priyanka Gandhi