Ka chnat i chait i khiah ka sorkar Meghalaya da phah ko yaka kyrwoh heiyatoh wa i lehkmen pdiang snem thymme 2021 deiwa ong wa ka jylla da ye bha ko wow leh pyrchah yaka khlam COVID-19 deiwa ya kyrchaan wei ya krehlang uwi pa uwi wa chong chnong kamjooh ka imlang sahlang, ki chnong ki thaw waroh kawi, wei da pynsñiaw leh yei sñiawngooh ya ki wakreh ki kaam sumaar sukhær wa ya ki Community COVID Management Team kiwa da e sakhiat yei chakri khlem da pyrkhat dei ya idæ ha kini ki por wa emkaam ka jylla ya ki.
Tangwa deiwa chem wa da em wa da kylla thymme u khñiang khlam ym man wow kheiñstiñ yeiwa da ye u yaleh pyrchah yaka khlam, kamtæ da kyrpaad ya kiwa chong chnong wow bood ya kini ki kyndon ha wah hawa pdiang ya u snem thymme.
Waroh ki lehkmen toh u man ki kiwa khian deiwa pynmyllien yei rukom im wow yada na u khñiang, toh u deiñ ya ki Mask, u pynemkaam yaki dawai sait kti, u yajngai uwi na uwi hawa em ha ki thaw paidbah, hawa lai luti wei ya kitu kiwa em chitom chwa wow neh ki ha yung.
Kamtæ da kyntu ya ki paidbah wow em yei kitkhlieh iwa hadooh katni da ye wow kdoh u khoom yei poor uni u khñiang yow ye syndon u jop deiwa ya krehlang.
