15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Haka 2 tarik daw pyndur e dawai COVID-19 ha waroh ki jylla ka ri

Advertisement ad1
Advertisement ad1
Advertisement ad1

Hadien wa da pyrchang chwa ini wa dep ha ki 4 tylli ki jylla wow pait yei pynkreh e dawai yada COVID-19 deiwa pyndur wa da e ya ini dawai namo i Vaccine, kamtæ yow pyntikna wa waroh ki jylla man ki kiwa da pynkreh manda yoh ya ini dawai, u Union Health Secretary u Rajesh Bhushan ynne ka sngi haka yalang wow pait yei pynkhreh e dawai da rai wa daw pteiñ yeni i pyndur namo ka Dry Run wow e dawai Vaccine ha waroh ki jylla ka ri ha ka 2 tarik u snem thymme.

Da tyrwa wa ya ini toh u leh ha ki nongbah ki jylla ha ki 3 tylli ki thaw wei daw em leh ki jylla wa daw leh ha kiwi ki District kiwa em ki thaw wa chitom u poi nei wym biang ki luti ki syngkieñ. Ha Maharashtra wa Kerala daw leh ya kani ka Dry Run ha ki sor wa heh lait noh ha ki nongbah yong ki.

I thong yong ini waroh wow pynman yaka Dry Run man i leh wow pyntikna wa waroh kiwa da pynkhreh nadooh i pynkit ya i dawai COVID-19 Vaccine, i pynkrehkaam ya ka Co-WIN App ha kiwa boon ki thaw man i iwa krehkaam kamjooh yow sñiawskem kiwa embynta wow e ya ini i dawai.

Kam wow pynkynmoo wa ka sorkar da jied nyngkong ko manda yoh ya ini i dawai wow e chwa cha ki wakreh hei chait i khiah, kitu kiwa em hakhmat dooh wow yada na uni u khñiang wa kiwa em 50 snem chaneiñ i rta.

Ha chwa ini da dep leh wow e sikai ya ki 2,360 ngut da ka sorkar pyrdi wei da em leh 57,000 ngut kiwa da chimbynta ha ki esikai ha ki 719 tylli ki District.

Ya i pyndur e dawai da leh nyngkong ha Andhra Pradesh, Assam, Gujarat wa Punjab haka 28 wa 29 tarik uni u bnai wei man i iwa lai bait.

Share this:
Previous

Hadooh T. 75 lak e yarap ka ALIMCO cha ka Prime Minister’s CARES Fund

Next

Pynkynmoo ka sorkar jylla wow bood ya ki kyndon yada hawa lehkmen snem thymme