Shillong: U MLA ka Congress na Mawlai, u Process T Sawkmie da pynsñiaw u yei lyngngoh ya i chah lai lait ki Montri ka sorkar Meghalaya Democratic Alliance (MDA), khamtam u Montri wa pait ya ka chnat yalehke ka jylla, u Banteidor Lyngdoh ha i por wa wan u Kiren Rijiju cha Shillong ha ka 4 tarik uni u bnai.
U Montri ka sorkar India wa pait ya ki kaam yalehke, u Kiren Rijiju ynnin ka sngi da wanpoi u ha nongbah Shillong wow wai ya ka Synthetic Football Ground ha SAI training Center kawa em ha NEHU wei kamjooh ya ka Assam Rifles Public School (Khelo India Sports School) ha Laitkor. Tangwa ha ini i wan ym em em uwi leh u Montri na ka jylla wa embynta lang.
U Sawkmie da ong u wa ye u man wa i wiar ki Montri ka sorkar Meghalaya wa ye u em iyi re iyi cha kylla, deiwa pynrap wa lada emlang ki Montri yong ka sorkar da ye wow pynsñiaw ya chiboon ki emkaam wow pynbiang ya ki thaw yalehke wa kiwi ki eh wa ka jylla yachem ko, khamtam neibynta wow pynkhreh ya ka National Games 2022.
