U MLA wa samen ka KHNAM na North Shillong, u Adelbert Nongrum da kylli u ya i daw wa suki ki seiñbhalang hapoh ka jylla hajrong i khayi tooh ya u mooyong na ka jylla.
Da ong u wa hadooh katni ympu em ki seiñ wa klam iwon iwon hajrong ini i kaam khayi tooh.
Chooh chooh da ong u wa kam uwa mihkhmat dang bichaar bniah bha u hajrong ini i bynta deiwa yaphyllu wa ki bru chemphanh deiwa ong leh wa lada emkaam wow lai hadooh uwon uwon u pood leh ym randien de u neibynta wow yada ya ka mynried.
U Nongrum uwa man leh uwa mihkhmat warim ka KSU, da ong u wa i kyntien seiñbhalang toh wow em i yumut wow wanrah sakhiat ya i bhalang neibynta ka ri wa ka jaitbru wei lada em kiwon kiwon ki phang kiwa ktah ya ka jylla toh u man ki kiwa apsiar wei ymtoh kiwa suki.
Da ong u wa ki seiñbhalang toh ki bynta wa emkaam khnang wa ka sorkar ymye ko u leh katwa ngait neibynta ki kaam waphær waphær deiwa yooluti u leh wa ki seiñbhalang u leh ki yeiwa emkaam.
