Kiwa dang yoh COVID-19 ha India ha uni u bnai da neh ki hapoh 20,000 ngut aw jan man-ka-sngi heiwa ha kini ki 24 kynta kiwa dang yoh da em ki 16,311 ngut, kiwa dang chait da em ki 16,959 ngut, kiwa dang yap 161 ngut iwa mut wa kiwa dang em ya uni u khñiang da duna ki da 809 ngut.
I pteiñ wow duna kiwa yap ynne da duna dooh i hadien 229 sngi wa em hapoh 170 ngut kiwa yap haka chi sngi.
79% na kiwa dang chait da em ki ha ki 10 tylli ki jylla kiwa boon dooh ha Kerala 4,659 ngut, Maharashtra 2,302 ngut, Chhattisgarh 962 ngut, West Bengal 957 ngut, Tamil Nadu 857 ngut, Madhya Pradesh 816 ngut, Gujarat 806 ngut, Uttar Pradesh 769 ngut, Delhi 602 ngut wa ha Karnataka 593 ngut.
80% na kiwa dang yoh toh kiwa em ha ki 9 tylli ki jylla kiwa boon dooh ha Kerala 4,545 ngut, Maharashtra 3,558 ngut, West Bengal 823 ngut, Karnataka 792 ngut, Tamil Nadu 724 ngut, Uttar Pradesh 696 ngut, Gujarat 671 ngut, Chhattisgarh 661 ngut wa ha Madhya Pradesh 620 ngut.
Waroh kiwa da chait hapoh ka ri da em ki 96.43% kiwa ku naka 96.42% kiwa em 1,00,92,909 ngut, kiwa dang em ya uni u khñiang da em ki 2.13% kiwa hiar naka 2.14% kiwa em 2,22,526 ngut; 1.44% kiwa yap kiwa em 1,51,160 ngut, deilang waroh da em 1,04,66,595 ngut kiwa da dep yoh ya uni u khñiang hapoh ka ri.
Kiwa chait da tam ki da 98,70,380 ngut ya kiwa dang em ya uni u khñiang iwa ku da 17,768 ngut nadooh ynnin ka sngi.
