15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Haka 14 tarik u poi ki bru ka WHO ha China yow takit yeiwa sdang u khñiang COVID-19

Ka China ynne ka sngi da ong ko wa ki bru ka World Health Organisation (WHO) kiwa wan wow takit yow chem neiwon mih u khñiang khlam COVID-19 daw poi ki hapoh ka ri ha kani ka 14 tarik. Ini da wan i hadien waka China nyngkong ym bien ko wow ong deiwa tikna lada daw chah yaka WHO wow wan pynman yei takit.

Ka laad pathai khubor ka China ka CGTN da pyntip ko wa ki bru chemphang ka WHO daw wan ki haka 14 tarik tangwa ym tip wa lada daw chah ya ki wow lai ki cha Wuhan i thaw wa nyngkong dooh wa em kiwa yoh ya uni u khñiang.

Haka 9 tarik uni u  bnai, u Zeng Yixin, u heh ka National Health Commission (NHC) da pyntip u wa dang yaklam yeiwa wan ki bru ka WHO cha Wuhan heiwa da pyntip u leh wa ka China waka World Health Organization (WHO) da mynjur, da pynbait ki yaka takit.

U heh ka WHO u Tedros Adhanom Ghebreyesus uwa da jooh chah pynbaad wa yachah u yaka China, da pynsñiaw u yei wym sñiawsuk yei wym pynbait wei e bor ka China wow wan ki bru ka WHO.

I pynslem ka China wow e bor wow thooh neiwon mih uni u khñiang da pynkhuslai ko yeiwa da pyrchang ki ri ka pyrthai wow thooh neiwon mih uni u khñiang uwa da pynyap la 19 lak ki bru ha pyrthai.

Ka China da kyntait ko yeiwa ong kiwa boon wa mih uni u khñiang naka yaw daw doh yong ki mrad kamjooh ki mrad khloo kiwa dang im haka yaw (Wet Market) ha Wuhan kawa da man kawa khang nadooh ynnin u snem.

Share this:
Previous

COVID-19: Hadien 229 sngi em kiwa dang yap hapoh 170 ngut ha India

Next

Khlaad noh ka kong Hunlang Suwer