Uwa yahkhmat ka Bharatiya Janata Party (BJP) ha Meghalaya uwa man leh u MLA na Pynthorumkhrah, u Alexander Laloo Hek da pyntip u wa boon ngut kiwa yahkhmat wa ki bru wa pawnaam ha ka jylla ki wow psiah cha ka BJP neibynta wow yakhun ya ka Election ha u snem 2023.
Da ong wa ka Party ya katni ym pu kwah ko wow khana ya i pyrtuid, tangwa napyrdi kini ki wow psiah thymme cha ka Party, kiwa boon toh ki MLA warim wa ki kattu katni ngut kiwa man ki MLA wa katni, wei kini em ki na waroh ki District wa na ki Constituency wa ki em kyrmen bha ki wow jop.
Hawa kylli, u Hek da kyntait u wa em i piah ha ka BJP ha Meghalaya deiwa pyntip wa kiwa yahkhmat ka Party hapoh i yahkhmat yong u President da dep ki wow yasyllok hachwa wow lai cha Delhi, wei da pyntip u leh wa da dep yaklam wa lada mut ki wow rah ya ki kaam bam-tooh cha Delhi, toh u pyntip chwa cha ka Coordination Committee yong ka MDA.
