Ka Synjuk Waheh Chnong Jowai, hadien wa dadep pynpsiah dkhot ko na kawi pa kawi ka chnong hapoh Jowai kam kiwa mihkhmat (Representative) wa phah na ki chnong da ki Assistant Waheh Chnong, General Secretary wa Assistant General Secretary, kamtæ da pynman dkhot 4 ngut na kawi ka chnong ha ka Synjuk.
Heiyatoh wa ini, ynne ka 30 tarik da pynman ya ka Dorbar yonglang ka Synjuk ha Community Hall ka Loomsooyung heipor 2:00 waje i sngi hei wow e ya ki Report wa dadep kreh heijooh i por da pynthymme ya kiwa krehkaam neibynta u snem 2021-2022.
Ha ka yalang, da yoh chiboon ki e yumut na ki dkhot deiwa jied leh ya u Alan Niangti, Waheh Chnong ka Loompyrdi Iongpiah kam u President; katwa yei kaam Vice President da pynkham ha u Lasoki D. Lakiang, Waheh Chnong ka Ladthadlaboh neitæ u Riquoma Rq. Laloo, Waheh Chnong ka Panaliar kam u General Secretary katwa ya u Ryum T. Khonglah, Secretary ka Mynthong kam u Assistant General Secretary. Heijooh i por da jied ya u Dame H. Pde, Waheh Chnong ka Chiliangraj kam u Treasurer; chooh chooh da jied ya u Lamphrang Pohktai, Waheh Chnong ka Mynthong; u Titos Bamon, Waheh Chnong ka Khimusniang wa u Jlan Kupar Rymbai u Waheh Chnong ka Loompariat kam ki Auditor.
Neitæ ka yung da sñiaw emkaam ko wow em noh ka Executive Committee neibhah wa da boon ki dkhot yong ka. Kamtæ da yahap yumut wa waroh ki Waheh Chnong u man ki kam ki Executive Member.
