U MLA ka Jowai Constituency u Wailadmiki Shylla, ynne deilang wa ka Dorbar Chnong Mukhla Nongrim wa ki sahep sorkar na ka chnat MeCEL da lai pait u ya u Transformer uwa ka chnat da ieh ko tyngkreng da ki boon snem khlem da kær soodong ya oo wei ini da booh ko hei maa yaki paidbah wa chong chnong kiwa lai luti na kani ka thaw.
Neiliang ka MeECL da kular ko wow pyndep yei kær ya uni u Transformer hapoh chi tayaw,
Ha i jooh i por, u MLA wa ka Dorbar Chnong Mukhla Nongrim deilang wa ki sahep sorkar na ka Soil & Water Conservation Department da lai pait ki yaka yingkieñ lai kjat kawa em ha ka wah Myntang Nawplem kawa pynyabi cha chiliang ka wah kawa chna da kani hi ka chnat ha u snem 2012 heiwa katni kani ka yingkieñ da jæd da pra ko hadooh wym hoi de wow lai kjat ki warep kiwa pynemkaam ya ka man-ka- sngi.
Neiliang ka chnat da kular ki wow pynchna yaka hapoh kini ki bnai.