Ynne ka sngi ki chipai (Military) ka ri Myanmar da knieh ki yei synchaar ya ka ri na ka sorkar National League for Democracy (NLD) hadien wa kem ya ka khlieh synchaar ka Aung San Suu Kyi wa kiwi ki heh ka sorkar.
Ynne ka sngi ki chipai da pyntkut ki ya ka Internet wa ka Phone ha ka ri wei da uiñ ki chipai ha ka nongbah kani ka ri.
Hadien ini neiliang ka United States da beiñ ko yeini i leh ki chipai deiwa dawa wow pynlait ya kiwa da chah kem.
Ka chnat ki kaam baar ri ka India leh da beiñ ki yeini deiwa ong wa emkaam wow pteiñ i synchaar paidbah ha ka ri.
Haka Election ka ri wa dang dep pynman ha u Khonchonglad (Nov), 2020 ka Party yong ka Suu Kyi da jop ko da 396 tylli ki Seat naki 476 tylli cha ka Parliament tangwa neiliang ka Military da pynbaad ko wa em boon ki leh tooh ha kani ka Election.
Katkam wa pyntip haka TV Channel wa pynlai da ki bor chipai, ka Myawaddy TV da pynbna wa hapoh ka Article 417 da pynbna yaka State of Emergency chi snem wei daw ekti biang cha ka synchaar paidbah hadien wa pynman yaka Election.
Da thung ya u Vice President, u Myint Swe uwa jooh man kam u heh chipai yow man u kam u khlieh sorkar chi snem.
