15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Yoh kem ki Assam Rifles ya kiwa dai drugs, ki dkhot ki seiñ kieñ suloi wa kiwa khayi mar tooh na ki le tylli ki jylla

Ha ki sngi wa chwa u kut u Duiatra, 2021 ki chipai ka Assam Rifles da yoh ki wow kem ya kiwa boon kiwa dai drugs, kiwa khayi mar tooh deilang wa ki dkhot ki seiñ kieñ suloi ha ka jylla Mizoram, Manipur wa Nagaland.

Haka 30 tarik, ki chipai ka Assam Rifles deiwa ya krehlang waka Excise & Narcotics Department ka Mizoram da yoh ki wow kem ya 3 ngut kiwa dai drugs na thaaiñ Bethlehem Veng, Aizawl heiwa ini drugs Heroin wa yoh kem toh iwa chongdor T. 75.6 lak.

Haka 29 tarik ha Nagaland, ki Assam Rifles deiwa ya krehlang waki pulit ka jylla da kem ki arngut ki dkhot ka NSCN (K-2) na Burma Camp, Dimapur wa uwi u yong ka NSCN (K-NK) na Khowoboto Colony, Zunheboto. Da yoh leh ya kawi ka Point 22mm Rifle.

Ki chipai ka Assam Rifles ha Manipur haka 30 tarik da yoh kem ki yei Brown Sugar wa chongdor T. 35 lak na Kakching District, ki dieñ wa khayi tooh (Pinewood & Ucham Timber) kiwa chongdor T. 4.3 klur na Kamjong District wei da pynlait ki leh ya ki lakang (Radiated Tortoise) ha Chandel District.

Haka 29 tarik won ha Mizoram, ki chipai ka Assam Rifles da yoh kem ki yei drug Heroin wa u kwai wa chongdor T. 69 lak na Champhai District. Yaki mar kamjooh ki bru da ekti cha ki chnat sorkar wa pait ya ini i kaam.

Haka jooh ka sngi ha Manipur, ki Assam Rifles deilang waki pulit da kem ki ya uwi u dkhot ka ZUF na Kom Keirup Bazaar wa em ha Churachandpur District.

Haka 28 tarik won ha Manipur biang, deilang waki pulit, ka Assam Rifles da kem ki ya uwi u dkhot ka PLA na chnong Leimaram ka Bishnupur District.

Ha Manipur biang haka 27 tarik, ki Assam Rifles da kem ki ya ki dieñ wa khayi tooh kiwa chongdor T. 40 lak najan Litan-Mahadev Camp wa em ha u sarok NH-202 ha Ukhrul District.

Ha Mizoram haka 27 tarik, ki Assam Rifles da yoh ki wow kem ya 24 Gram i Heroin wa chongdor T. 9.6 lak na Khatla South (Aizawl).

Haka 25 tarik ha Manipur, ki Assam Rifles deiwa ya krehlang waki pulit ka jylla da kem ki ya uwi u dkhot ka Hmar People’s Convention Democratic (HPCD) na thaaiñ Liklai (Churachandpur District) wei da yoh leh ya ka 9mm Pistol wa ki kuli.

Haka 27 tarik ha Mizoram, ki Assam Rifles da yoh kem ki ya 107 Gram i Heroin wa chongdor T. 42.8 lak waki mar wa khayi tooh wa chongdor T. 12.8 lak na thaaiñ Beraw Lui Veng, Aizawl.

Share this:
Previous

Da kynjoh T. 1.20 lak klur ka dan wa lum naka GST ha u bnai nyngkong

Next

Knieh yabor ki chipai na ka sorkar wow synchaar ya ka Myanmar