Ka yung krehkaam yong ka KVK Jowai chirup i krehlang wa ka yung krehkaam ka National Bureau of Plant Genetic Resources NBPGR, Umiam, da pynman ki yaka pynsñiawthooh paidbah hajrong i emkaam u pynneh pynsah ya ki symbe tynre (Indigenous Species) ha chnong Lumkhudung, West Jaiñtia Hills District.
Ka chongknor ha kani ka yalang ka Banylla Kharbamon, SMS (Horticulture), KVK Jaintia Hills, da ong ko wa kini ki symbe wa em ha i toh ka spah rymaw wa u Blai da theh u ha ka ri yong i, wei neiliang u Dr. Harish G.D., Scientist & OIC, NBPGR, Regional Station, Shillong, leh da pynchlur u yaki warep wow pynneh pynsah ki yaki symbe tynre.
U Dr. S.R. Rao, Professor, Biotechnology & Bioinformatics Dept. NEHU, Shillong, hawa klam u kam u kongsan da kyntu u ya ki warep wow sñiaw sarong ki yei yi wa da em wei katwa ye wa lah u pynneh pynsah yaki.
Da yoh leh i klam hajrong i emkaam wow pynneh wei syndong yaki soh næ ki jait kiwa duna wa thung wa rep chwa (Conservation of underutilized fruit crops of NEH region) da u Dr. Julius Uchoi, Scientist NBPGR, Regional Station, Shillong, katwa hajrong i rukom krehkam ka KVK neibynta u pynneh pynsah yaki jait wa thung hapoh ka West Jaiñtia Hills District (Role of KVK in conserving plant diversity in West Jaintia Hills) da klam pynche da u Dr. A. Dympep SMS (Agril. Extension), KVK Jaintia Hills.
Ha kani ka sngi nalor ki kyntien pdiang burom wada e da u M. Kharbuli, Farm Manager, KVK Jaintia Hills, wa ki kyntien sñiawngooh na Dr. R. Suchiang, SMS (AH & Vety), KVK Jaintia Hills, da saam leh ya ki tiar rep (Farm Kits) cha ki paaid warep.
Chwa ini da em leh i pynyoo rong yaki symbe tynre yong ki jait wa thung waroh wei da e khusnam leh cha kiwa jop.
