Ynne ka sngi u montri rangbah ka jylla, u Conrad K Sangma chirup wa u symbood montri rangbah ka jylla u Prestone Tynsong da yachem ki ya u montri ka sorkar pyrdi uwa pait yw ka chnat Youth Affairs and Sports, u Kiren Rijiju ha nongbah New Delhi.
Ha ini i yachem da pyntip ki ya u Rijiju hajrong ki kreh ya ki thaw yalehke wa ha rukom ha ka jylla.
U Conrad da paan u leh yei kyrchaan na ka Ministry wow pynman ya ka North East Youth Festival 2022 kawa da thmu wow pynman ha Shillong kam chibynta yong i lehkmen dap 50 snem ka jylla.
Neiliang u Rijiju da pynsñiaw u yei kyrchaan hajrong i angnood ka sorkar jylla wow pynman ya ka North East Youth Festival ha Shillong.
