U Union Minister of State (Independent Charge) wa pait yaka North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh da ong u wa da e yaka poisa yarap yaka thaaiñ North East yow ye ki u yaleh pyrcha ya u COVID-19 hawa e yei jubab hapoh ka Lok Sabha ynne ka sngi.
U Dr. Jitendra Singh da pyntip u wa ka Ministry of Health & Family Welfare da pynlait ko T. 111.34 klur neibynta ki jylla ka North East ha u 2019-20, wa kynthup yaka T. 72.53 klur neibynta ka Assam hapoh ka National Health Mission yow yaleh pyrchah ya ka khlam COVID-19. Chooh chooh da pyntip u wa neibynta u snem 2020-21, T. 265.96 klur da pynlait cha ki jylla ka NE, wa kynthup ya T. 180.04 klur yaka Assam hapoh ka Emergency Response and Health System Preparedness Package.
Ka Ministry of Development of North Eastern Region hapoh ka North East Special Infrastructure Development Scheme (NESIDS) da pynlait ko ka poisa neibynta ki san jait ki kaam (Project) kiwa chongdor T. 193.32 klur neibynta ka Arunachal Pradesh, Assam, Meghalaya, Mizoram wa Nagaland neibynta wow pynkhlan yaki thaw sumaar yow yaleh pyrchah yaka khlam. Neibynta ini da pynlait T. 77.33 klur da ka Ministry cha ki sorkar jylla.
Neibynta u snem 2020-21, ka North Eastern Council (NEC) da pynlait T. 25.29 klur neibynta ki 8 tylli ki jylla ka North Eastern Region (NER) yow yarap yaleh pyrchah yaka khlam COVID-19. Ka NEC da pynlait ko T. 24.96 klur yow yarap yoh kreh ya kiwa kreh mylla kiwa da liwan biang cha ka thaaiñ NER neidaw ka khlam. Da yarap poisa leh yow pynkhlan ya ki kaam chait i khiah ki jylla ka NE yow yaleh pyrchah yaka khlam COVID-19 kiwa da em katni ha kiwa boon ki bynta wa dang pynkrehkaam. Katwa yaki Utilization Certificates (UC) i pynemkaam ya kani ka poisa wa pynlait ka Ministry of DoNER ym pu toh por wow e ki.
