Ka thong krehkaam wa 100 sngi wa da sdang kyrpang daka Ministry of Jal Shakti yow pynpoi umkor cha ki skur, Anganwadi Centres (AWCs) wa ki Ashramshalas hapoh ka Jal Jeevan Mission da yoh ko yei yaroh na ki jylla heiwa da em kiwa da ye wow pyndep ya ini ka kreh 100% ha ki skur wa ki AWC. Da em leh ki jylla kiwa da paan poor chooh wow pyndep ya ini heiwa ka Ministry of Jal Shakti da pynyinsur ko yei por hadooh ka 31-03-21.
Ha kini ki 100 sngi, ki jylla kam ka Andhra Pradesh, Himachal Pradesh, Goa, Haryana, Tamil Nadu wa Telangana da pyntip ki wa da pynpoi yaka umkor ha waroh ki skur wa AWCs, katwa ha Punjab da pyntip wa da ye wow leh ya ini ha waroh ki skur.
Da pyrchang leh wow pynpoi da ka um wa hoi u dih ha ki Anganwadi Centres (AWC), ki skur wa ki Ashramshalas hapoh ini i kreh. Da dep wow pynbiang ya 1.82 lak tylli ki thaw wa hoi u sait-kti, 1.42 lak tylli ki thaw pynlang um-slap ha ki skur wa Anganwadi Centres. Hadooh kattæ da dep pynbiang umkor ha ki 5.21 lak tylli ki skur wa 4.71 lak tylli ki Anganwadi Centres.
Hajrong i emkaam wow yoh yaka um wa hoi u dih neidaw wa ki khynnah toh kiwa suk wow yoh kjut naka um wym khooid kamjooh wa emkaam wow sait-kti khamtam ha kini ki por wa em ka khlam COVID-19, u Prime Minister Narendra Modi da sdang u ya kani ka thong kreh wa 100 sngi haka 02-10-20 kawa man leh ka sngi Gandhi Jayanti yow pyntikna wa poi umkor cha ki skur, Ashramshalas wa Anganwadi Centres ha waroh kawi ka ri. Da kyntu u leh wow chim kabu ya kani ka thong hadooh wow pynpoi yaka um wa hoi u dih haki thaw paidbah kamjooh yow pynemkaam ha ki thaw chet Mid-Day Meal, yow ye leh wow sait-kti wei wow pynemkaam ha ki paikhana.
