Ka seiñ JSM da ong ko wa hadien wa da booddien ko boonsien heiyatoh wa u sarok nadooh na Treiongriang hadooh Sohmynting, West Jaiñtia Hills uwa da sih hadooh kattæ kattæ uwa ym de pynchna pynmiat uwa man leh u sarok wa pynemkaam yow poi cha kiwa boon ki thaw uiñke suwari hapoh ka District heiwa neiliang ka sorkar ym em leh ko iyi iyi leh ya uni u sarok.
Ka seiñ da ong ko leh wa uni u sarok da ktah u ya waroh uwa katni da kylla sa du i khyndaw wa ki thlu, wei hajrong ini da dep wow yaklam wa ki bor sorkar da boonsien tangwa ym em leh iyi iyi.
Neiliang u Discipline Secretary ka JSM Western Region u R.B. Dkhar, da ong u wa uni u sarok toh uwa da chah ieh beiñ la 10 snem hanla man u leh u sarok wa ye u poi chadooh cha baar ri wa da pynemkaam leh haka khayi pateiñ.
Kamtæ neliang ka seiñ da kyntu ko ya u Deputy Commissioner wow sñiawbha u wow pait ya ini yow phah chna smat noh ya uni u sarok khnang wa ki bru u suk ki hei lai i wan khamtam ya kitu kiwa kjut wa chitom.
