Ka Narendra Modi Cricket Stadium da man ko ka Cricket Stadium kawa heh dooh ha pyrthai heiwa da ye hadooh 1.32 lak ngut ki paidbah u chong ha ka ha i jooh i por wei ya kani ka Stadium da wan wai da u President ka ri, u Ram Nath Kovind ynne ka sngi kawa em ha Ahmedabad, Gujarat.
Kani ka Stadium toh kawa tip nachwa kam ka Motera Stadium.
U President da booh u leh ya u mooyurim wow chna ya ka Sardar Vallabhbhai Patel Sports Enclave ha Ahmedabad.
Da ong u leh wa kani ka Stadium ym du man ko kawa heh dooh tangwa ya leh wow pynman ya kiwi tawon ki jait yalehke ha ka.
Heijooh u por da ekhublei u leh ya ka Gujarat Cricket Association kawa da pynwandur ya kani ka Narendra Modi Stadium deiwa ong leh wa kani ka Stadium pynyoo ko leh ya ka India wa thymme cha ka pyrthai.
Da ong u wa ya ka India da tip leh kam ka ‘Power House of Cricket’ wa ‘Hub of Cricket’ kamtæ emkaam ko leh wow em ya ka Stadium wa heh dooh ha pyrthai.
