15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Yoh ka Baghmara T. 63.50 klur yow pynpoi umkor

Advertisement ad1
Advertisement ad1

U montri rangbah ka jylla, u Conrad K. Sangma ynne da booh mooyurim u yow chna ya ka Greater Baghmara Water Supply Project ha South Garo Hills District hei emlang u montri ka chnat PHE u Renikton Lyngdoh, ki MLA nadooh u Thomas Sangma, u Samuel Sangma, u Rakkam A Sangma wa kiwi kiwi.

Ya ka poisa ha ini i kreh daw pynlut ka Ministry of DoNER, lyngba ka NESIDS hei dor wa T. 4,754.00 lak wa ka sorkar jylla T. 1,596.00 lak iwa man waroh T. 63.50 klur. 

Ka Greater Baghmara Water Supply Scheme u yarap ko u saam um cha ka Baghmara wa ki 16 chnong kam ka Rewak Kambepal, Rewak, Rongchekgiri, Kharukol Adinggiri, Kharukol Jaligiri, Kharukol Konagittim, Chigichakgiri, Goka Songmong, Kharukol Tainang, Goka Wachol, Masighat, Dabigiri, Balkal Watregittim, Rongrengpal, Tainang Songmong wa Badri Jaisrugittim.

Ya ka um neibynta kani ka Scheme u taan na ka wah Rongdong heiwa daw myntoi ki 63,335 ngut wa 2340 tylli ki manyung.

Ka 1st Installment wa T. 10 klur da yoh ha u Duyatra (January) 2021 wei da booh thong wow pyndep ya i kreh hapoh 2 snem.  

U Conrad da pynsñiaw u yei mynsien wa kmen heiwa daw yoh myntoi ki paidbah ka Baghmara wa ki 16 tylli ki chnong. 

Da ong u wa da chah iehbeiñ bha ki District kam ka South Garo Hills da boon snem wei ka sorkar MDA daw pyntikna ko wa yoh ko ya ki kaam pynroi iwa da kyntait kattu da boon snem.

Heijooh i por da ong u wa ka South Garo Hills yarap ko chiboon ya i yoh i la ka jylla nei em ki khloo, ki mar poh-khyndaw tangwa da chah iehbeiñ bha ko kamtæ oo u chimkhia u wow pynkylla noh ya ini. 

Da yoh leh i klam na u montri ka chnat PHE, u Renikton Lyngdoh uwa dap dei kmen wow poi cha Baghmara wow wanrah ya ki kaam pynroi neibhah dang ha ki snem wa dadep da pynbna ya ka Baghmara College Project. 

Ha kani ka jooh ka sngi u Conrad da sdang wai pyrda u leh ya i lehkmen dap 50 snem ka jylla da ka 5th Baghmara Challenge, Inter-Club Basketball Tournament ha Baghmara Sports Complex wei da sakhi u leh ya ka Audiovisual Exhibition namo ka pynyoo rong yei lai luti dap 50 snem ka jylla ‘Road to 50’ wa da pynkhreh da ka The Northeast India AV Archive iwa man chibynta yong i lehkmen.

Da yoh leh i klam na u MLA ka Siju-Rongara u Rakkam A Sangma, u MLA ka North Tura u Thomas A. Sangma wa kiwi kiwi. 

Share this:
Previous

Nadooh ka 8 tarik u sdang krehkaam ka Model Code of Conduct

Next

Da wai ya ka Narendra Modi Cricket Stadium, ka Cricket Stadium wa heh dooh ha pyrthai