U Speaker yong ka Lok Sabha, u Om Birla da ong u wa ka Election Commission of India (ECI) da booh ko ya ki kyndon wow khanglaad ya ki bru kiwa leh ya ki kaam sih pyrchah aiñ wow psiah ki cha ka saiñhima wei wow man kam kiwa mihkhmat paidbah la ha Parliament namo ha ki jylla wei wot ha ki kaam synchaar chnong.
U Birla uwa da wan pait ya ka jylla Meghalaya neibynta 2 sngi da ong u wa katkam ki kyndon wa da booh da ka ECI, ki bru kiwa em dak sih næ wa da chah rai pynrem ymye ki wow yaleh Election tangwa da elaad ya ki paidbah wow jied ya kiwa mihkhmat da ki bru kiwa ympu em dak sih næ kaam damok.
Hawa kylli hajrong i kyrdan puræ wa toh u pyndep ya kiwa mihkhmat paidbah, u Birla da ong u wa neipor cheipor ka Election Commission bichaar ko kammon wow booh ya ki kyndon neibynta wow jied ya kiwa mihkhmat.
U Birla ym em u klam u iwon iwon hajrong ka ILP tangwa da ong hi-eh u wa emkaam wow pynkhlan chooh chooh ya ki Autonomous District Council kiwa em ha ka jylla.
U Birla uwa man leh u MP yong ka Bharatiya Janata Party na Kota-Bundi, Rajasthan, da ong u ya ini hawa kylli lada ki District Council da biang ki næ ym em wow yada yaka jylla kawa dawa leh ya ka ILP.
