COVID-19: Ar chah ku kiwa dang chah ktah ha Maharashtra hapoh ar tayaw

Kiwa dang yoh COVID-19 ha India da boon biang bar ya kiwa dang yoh heiwa ha kini ki 24 kynta kiwa dang yoh da em ki 16,488 ngut, kiwa dang chait da em ki 12,771 ngut, kiwa dang yap 113 ngut iwa mut wa kiwa dang em ya uni u khñiang da ku ki da 3,604 ngut.

Ini da pynman ko leh ya kiwa dang em ya uni u khñiang (1.59 lak) wow tam biang ki ya kiwa da dep yap (1.56 lak) heiwa ini wa da dep da hiar kiwa dang chah ktah cha ka 1.35 lak ngut.

86% na kiwa dang yoh ya uni u khñiang toh kiwa em ha ki 6 tylli ki jylla kitæ ha Maharashtra 8,333 ngut, Kerala 3,671 ngut, Punjab 622 ngut, Karnataka 571 ngut, Tamil Nadu 481 ngut wa ha Gujarat 460 ngut.

Ha kini ki ar tayaw, ka Kerala toh kawa boon dooh wa hiar kiwa dang em ya uni u khñiang iwa naka 63,847 haka 14 tarik cha ka 51,679 hadooh ynne ka sngi, katwa ka Maharashtra won toh kawa boon dooh wa ku kiwa dang em ya uni u khñiang iwa naka 34,449 ngut haka 14 tarik cha ka 68,810 ngut hadooh ynne ka sngi iwa man wa ku da jan ar chah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Waroh kiwa da chait da em ki 97.14% kiwa em 1,07,63,451 ngut, kiwa dang chah ktah da em ki 1.44% kiwa em 1,59,590 ngut, kiwa yap 1.42% kiwa em 1,56,938 ngut. Deilang da em 1,10,79,979 ngut kiwa da dep yoh ya uni u khñiang hapoh ka ri.

I e dawai yada COVID-19 hapoh ka ri da poi cha i 1,42,42,547 sien heiwa na kini, 1,17,88,669 ngut toh kiwa da dep yoh yei dawai chisien katwa 24,53,878 ngut toh kiwa da dep yoh yei sien wa ar.