Ynne ka sngi u MDC ka 29 Bataw-Lakadong Constituency uwa man leh kam u Chairman ka JHADC, u Dr. Sankey Shangpung da sdang u wow pynlait yarap cha ki paidbah ka Constituency lyngba ka Scheme SAG 2019-20 wa SAG 2020-21.
Ynne ka sngi da sdang ya ini i e yarap toh ya ka Balang Presbyterian Lad Wahwapung ya kawa da e da ka Generator wa ki chuki, ha Iapmala ya ka Balang Catholic Balang Presbyterian, da e ya ki da ki chuki wa kawi ka Generator neibynta ka Dorbar Chnong Iapmala.
Ha kani ka sngi neiliang kiwa klam wa kynthup ya u Tbn. Emmon Sympli, u L. Shylla, u Tbn. Bri Shylla wa kiwi kiwi da ekhublei kyrpang ki ya u Dr. Sankey uwa da wanrah ya ini i e yarap cha ki neibhah waroh chi kattu ym jooh yoh yarap ki na ki MDC.
Da kitbok kitrwiang ki leh ya oo wow yoh u yei chait i khiah wei wow yoh u ya i doh i pran iwa khlan khnang wow ye u wow pteiñ ya ki kaam wow chakri ya ki paidbah ka thaaiñ wa ka Ri-loom Jaiñtia hi waroh kawi.
