Ha kini ki tayaw wa dadep da sakhi ya i booh mooyurim ka sorkar MDA ha kylleiñ ka jylla wow chna ya ki sarok, ki thaw puræ wa kiwi kiwi iwa da wanrah yei chah beiñ iwa ong wa ka sorkar MDA pynjoor ko du wow booh mooyurim donhi wei hajrong ini i pynbaad, u montri rangbah ka jylla, u Conrad Sangma da ong u wa ka sorkar wa yahkhmat da ka NPP ym chukor ko ya ki paidbah wei u pyndep ko yeiwa da kular ya ki.
Yeini da ong u Conrad ynne ka sngi heipor wa booh ya u mooyurim wow chna pynmiat ya u sarok Dalu-Baghmara Road ha Dalu, West Garo Hills.
Da kdaw u leh ya ki kaam pynroi ha Ri-loom Garo wa da angnood bha toh wow pynkrehkaam noh ya ka Baljek Airport wei da kyrmen leh wa daw sdang ya i lai lieñsuiñ (Flight Service) na Tura cha Shillong chwa u 2022 iwa takhooh leh wa i lehkmen dap 50 snem ka jylla. da ong u leh wa ha ki ar snem wow wan dang em chiboon ki kaam wa daw leh ha Ri-loom Garo kamjooh leh ka jylla waroh kawi.
