U montri rangbah ka jylla, u Conrad K. Sangma ynne da wai u ya ka PRIME HUB ha Tura hei emlang u Commissioner & Secretary, Dr. D Vijay Kumar uwa man leh kam u CEO ka MBMA, ki DC wa kiwi kiwi.
Hajrong i eh i khoo wa chem kiwa seiñ kreh hapoh ka jylla, u Conrad da ong u wa ka Meghalaya em ko chiboon i chaniah wei yooluti na kiwa seiñ kreh pyn daki yaki hi namo ki Entrepreneurs.
Da ong u wa heipor wa seiñ khih IT Business u ka yong oo hi, sñiawthooh u yei eh wa kiwi leh chem ki lada ym em yoh yarap heiwa da man kiwa dooh mynsien khlem em wa yahluti ya ki wei lyngba i puræ Business Administration da ye u wow thooh bniah tangwa boon ki bru ka jylla ym em ki i stat wot wow chim ram ki na ki Bank wa na kiwi ki yung krehkaam.
Hajrong i wai ya ka PRIME HUB ha Tura, da ong u wa kani ka thaw daw yarap ko kam ka thaw wow pyrkhat, wow yachemlang wei wow e mynsien ya ki khynroo khyllood.
Da kyrmen u leh wa ki PRIME HUB ha kiwa boon ki District daw ye ki wow yarap ya i chitom wa chem kiwa seiñ kreh wei lyngba ini daw ye u yarap ya ki ha iwa angnood ki.
