Ynne ka sngi da wai ya ka dukan dai sboh kawa tip kam ka ‘The Organic Era’ kawa em ha Iawmusiang, Jowai kawa dai ya waroh ki jait ki mar nadooh wow rep kpær, ki symbe, kahmtam ki sboh Organic kiwa da chna da iwa yoh naka rymaw khlem da pynemkaam ya ki dawai wa chna da u bru.
Ya kani ka dukan da wan wow wai paidbah yaka da u tre ka LIBRA (Living In a Biological Resource Arena) u A.K. Mawlong uwa man leh kam uwa pynmih ya kini ki sboh (Proprietor/Manufacturer) wei kani ka dukan da man ko ka dukan wa nyngkong ka LIBRA ha ri-loom Jaiñtia kawa da ye wow dai ya kini ki mar kamjooh kawa ye leh u pynmih sa ya kiwi kam kini ki dukan haka thaaiñ.
Ha kani ka dukan ki paidbah ye ki u yoh yaki jait sboh (Organic) waphær waphær neibynta i rep i riang deilang wa ki tiar ki tar wa emkaam hawa thung wa tep nadooh ki kchu syntu wa kiwi kiwi.
Neiliang u Mawlong da pynchlur u yaki paidbah wow wan cha kani ka dukan kawa daw yarap yaki ha kiwa boon ki liang wa emkaam ki.