Ka National People’s Party da pynman ko yaka yalang wow kynmoo warom yaka lyngkhooh snem wa 5 wa yap uwa seiñ yaka Party kamjooh u montri rangbah warim, uwa jooh man leh kam u Lok Sabha Speaker u (L) Purno Agitok Sangma ha NPP Headquarter, Shillong ynne ka sngi.
Ya kani ka kynmoo warom da wan wow ya embynta da kiwa ksohkaam ka Party kamjooh leh ki dkhot ka National People’s Youth Front (NPYF).
U Purno, da ong ka Party toh uwa ym jooh mylliñ yei tre, yei thied wei uwa leh khian. Da yaleh u neibynta ki kaam wa da chah ieh mylliñ ka thaaiñ Northeast. Ha u Duiatra (Jan) 2013, da sdang u yaka National People’s Party (NPP) da ka thong wow yaleh neibynta ki jaitbru ri-loom, ki tre chnong ka India, khamtam haka thaaiñ Northeast yow pynsñiaw yei sur ki khian paaid.
Kiwa ksoh kaam kiwa emlang ha kani ka sngi kynthup ki ya u Prof. Don Kupar War, Working President ka NPP, u Babeth K. Sangma, General Secretary i/c Finance & Admin NPP wa u Nihim D. Shira, Ex-MLA heiwa da pynman leh yaka ngooh Blai yonglang da ki niam wa boon jait.
Hawa e yei klam u Babeth K. Sangma da kynmoo tympang u ya ki kaam wa da leh u Purno neibynta ka jylla waka ri najrong wa seiñ u yaka National People’s Party. Da kynmoo u leh yei angnood u PA Sangma wow pynyatylli yaka Northeast.
U Nihim D. Shira da kynmoo u ya u Purno Sangma kam u bru wa chynna jngai uwa da seiñdur ya kiwa boon kiwa mihkhmat paidbah wei man u ym du uwa yahkhamt hapoh ka ri kamjooh ha kiwi ki ri. Da ieh u chadien yeiwa ym ye de wow mylliñ nadooh heipor wa man u kam u Chief Minister ka Meghalaya wa u Member of Parliament.
Ya ki kyntien khublei da yoh na u Kupar Blah, General Secretary, uwa da e khublei ya ki dkhot ka NPP wa NPYF kiwa da ya emlang.
