Soi suskular ka sorkar Congress wa hap su ka jylla 25 snem cha ka NTPC hanla ym em chim bordiñ naka: Conrad

Hawa jubab yei pynbaad u MLA ka liang pyrchah ha ka Yung Dorbar Chna Aiñ hajrong i pynkrehkaam biang ya ka Load Shedding ha ka jylla, u Montri Rangbah u Conrad Kongal Sangma da jubab kylla u deiwa ong wa toh ka Congress kawa wanrah yei eh na ka Load Shedding.

U Conrad da ong u wa heipor ka sorkar Congress ha u snem 2007 da soi soskular (Agreement) ko wa ka National Thermal Power Corporation (NTPC), deiwa kylli kammon ka sorkar Congress ha kitu ki por da yasoi ko ya ka soskular kawa noh chiliang wei kammon ka sorkar da pynyang chwa ko yei eh yaki paidbah.

Katkam wa ong u Conrad, ka kyndon (Clause) wa da yasoi ha ka soskular ha u snem 2007 wa ka NTPC ong ko wa nadooh wa pyndep ya ka Unit wa khaddooh ka NTPC ha Bongaigoan, ka jylla daw hap su ko cha ka NTPC hadooh 25 snem.

Da ong u wa ka Unit wa khaddooh dang dep chna ha u snem 2019, iwa mut wa katkam ka soskular ka jylla hap su ko ya ka poisa da ki klur cha ka NTPC hadooh u snem 2044, hanla ka jylla ym em chim bordiñ ko na ka NTPC.

Related posts

Lada ym biang u Captain wa yah jhaad daw pynngam u ka, ong u Charles Pyngrope ya ka Congress

August 16, 2025

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

U Montri Rangbah da pyntip u ha ka Dorbar ynne ka sngi wa ka NTPC chim ko T. 5.7 chi Unit ka bordiñ, wei man ko kawa sy’ad bha lada wyrchaw wa i dor kiwi ki Company.

U Conrad da ong u leh wa neidaw wa ka soskular wa da soi ha u snem 2007, ka jylla hap su ko hadooh T. 133 klur chi snem khlem chim ya ka bordiñ wei lada kheiñ hadooh 25 snem lynter, ka MeECL hap su mynkna ko cha ka NTPC T. 3325 klur khlem i myntoi.