Ynne ka sngi kawa man ka sngi wa nyngkong yong ka Dorbar Mang Tangka ka JHADC da wanrah ya i tyrwa (Motion) wow thung noh ya ka Public Accounts Committe (PAC) hapoh yong ka Council.
Ya ini i tyrwa da pdiang da ka Council heiwa u thung ya uwa yahkhmat ka Liang Pyrchah kam u Chairman, katwa ki MDC wa kynthup ya u AH Darnei, Lakhon Dkhar, Holando Lamin u man ki kam ki dkhot wei ka Secretary ka Council won kam ka Secretary kani ka PAC.
I kaamram yong kani ka PAC toh wow pait ya i lut i sep ka Council katkam ka bui na ka yung krehkaam Comptroller & Auditor General ka ri, wow paan ya ka bui heiyatoh wa i lut i sep ki chnat ka Council, wow ebuit kammon wow yoh biang ya ka poisa wa toh hok i yong ka Council, ka poisa wa sahteiñ wei kammon wow pynchitom ya kiwa leh bakla.
Kani ka PAC daw ye ko leh u pynman ya i takit, wow phah hajir ya ki wakreh ka Council, wow tyrwa thung ha ka Executive Committee ya ki wakreh sahep wa kiwi kiwi.
