U Superintendent of Police ka East Khasi Hills, u Sylvester Nongtnger ynne ka sngi da pyntip u wa ki pulit da yoh kem ki ya 2 ngut ki bru wa emkti hei wow dat ya kiwa mylla ha kawi ka thaw ha Polo, wei da ong u leh wa ini i jia ym em yatoh i wa i jia ha Golflink ha i miet ka 21 tarik.
Da pyntip u leh wa ha ka 24 tarik uni u bnai, 11 ngut ki wakreh mylla ha kawi ka thaw ha Polo da mynsoo ki malu mala nei chah dat ha ki bru wym tipmit, wei ha ini i jia kiwa chah dat kynthup ya 5 ngut ki Khasi wa 6 ngut ki baar jylla.
U SP da pyntip u wa hadooh katni ki pulit da kem ki 2 ngut ki bru wa suba emkti ha ini i jia, heiwa ya uwi da kem ha i miet ka 24 tarik hi katwa ya uwi won da kem ha ka 25 tarik, deiwa pynrap leh wa wa ki pulit da thung ki da ka Special Investigation Team wow takit ya itai wa jia, wei katni ka takit dang lai ko yow yoh kem ya kiwi kiwa emkti yow tip ya i daw.
