Da pynman ya ka yalang wow pynche ya ki Orientation Programme ya kiwa wym pu yoh kaam

Jowai : Ka Border Security Force Meghalaya Frontier, hei yakrehlang waka Meghalaya State Skill Development Society haka 12 Naisaphra da pynman ki ya ka Orientation Programme næ ka prokram heiwa da ya e yumut hajrong kammon u yoh khih yoh kreh lyngba ka Skill Development.

Ya kani ka prokram da pynman kyrpang neibynta ki khon khynroo khyllood na kylleiñ ki chnong yong ka jylla wa haap hapoh ka Border Area ki wym pu yoh khih yoh kreh. Ya kani ka prokram da pynman ha St.Francis  De-sal Secondary School, Bakur, Dawki.

Da wan wow wai ya kani ka program da u Assistant Deputy Inspector General T.G.Simte, Jowai Sector ha ka yalang wa pyllai da u  Deputy Commandant BSF Jowai Sector u M.E. Zingkhai.

U Rudeen Kharlukhi Project Officer ka Meghalaya State Skill Development Society hei klam yong oo da khana u wa ya ka MSSDS da tipmit daka sorkar jylla neibynta u thooh lad wow leh iwon iwon ya ki khynroo khyllood wym pu yoh khih yoh kreh kamjooh kiwa da dam skur, da pynskhem yaka ha u snem 2011 yow pynku chooh chooh yei sap krehkaam kamjooh ki laad yohkreh haka Jylla yaki khynroo khyllood kiwa hapoh 18 hadooh 35 snem.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u ki jait training wow jied toh kam ka Auto repair, Welding, Construction, Electrical, Hospitality general, ISMO, Security wa kiwi kiwi, i klass wow pass da booh katkam i kreh, kynthup leh u pass class 5, class 8, class 10 wei class 12. Da khana u heipor wa lai training ym emkaam u lut ki chi naya leh. Nadong chadong nadooh i baam i thaw sah u lut ka sorkar hadooh wow libooh chei thaw wow li kreh ki, tangwa kat hei kreh boon iwa duk u kreh chabar.

Heijooh por da batai ya ki project waphær wa em hapoh ka Meghalaya State Skill Development Society ki wow e myntoi ya ki khynroo khyllood.

Da yoh leh yei klam pynche na kiwa pait wa pyklai ya ki Project Implementation Agencies wa em hapoh i pait ka Meghalaya State Skill  Development Society, kam ka Don Bosco Tech Society, ka IL&FS, ka SS Netcom waka North Eastern Security Academy (NESA).

Da yoh leh i klam na ki khynroo wa da pyndep ya ki training wei wa da kreh ki chabar ka jylla.

Da pynkut ya ka yalang da u Deputy Inspector General Jowai Sector, u Sultan Ahmed Jowai Sector heiwa da kyntu u ya ki khynroo khylood u chim ki ya kani ka kabu neibynta i myntoi hei rta yong ki.