U MLA ka UDP uwa man leh u Montri ka sorkar jylla, u Lahkmen Rymbui da ong u wa ka ka Party hadooh katni ym pu em chong ko yaka yalang yong waroh ki dkhot hajrong i dawa wow pynhiar chuki ya u James PK Sangma na ka chnat Bordiñ, deiwa ong wa ya katni kiwa boon kiwa yahkhmat ka Party dang boonkam ki ha ka Election MDC ha Garo Hills, deiwa pynrap wa kam ka Party toh u burom ko ya i sur yong kiwa boon ki dkhot.
Da ong u wa ka UDP ym toh wa yajngai ko wa kiwa yahkhmat wei lada toh u chim ya iwon iwon i rai, toh u leh smat wei kam ka Party kawa toh na kani ka Jylla hi, toh u pynbiat noh ya kiwon kiwon ki eh rap smat.
Hawa kylli, u Rymbui da ong u wa ym em i wym sñiawthooh yumut hapyrdi kiwa yalam ka Party, tangwa da ong u leh wa yieñ bait u ha ka yurim wa kam u MLA ym em yaklam hajrong itai i dawa nadooh wa sdang.
