I angnood ka India wow phah bru (Astronaut) cha haw-haw lyngba ka Gagangyaan Programme da man ko kawa lai chaphrang wei ha kani ka kynti ki soo ngut da wan biang ki cha ka ri ha ka 28 Wisu (March) hadien wa chah hikai ki ha Russia.
Ya ini da pyntip da u khlieh ka Indian Space Research Organisation (ISRO), u K Sivan uwa da pyntip leh wa kattu kini ki soo ngut u chah hikai noh ki hapoh ISRO.
Kam wow pynkynmoo heini, u montri khynnah ka sorkar pyrdi u Dr. Jitendra Singh da ong u wa ka ri angnood ko wow pynyoo wa ye ko u phah ya ki bru cha ka Low Earth Orbit (LEO) lyngba ki Indian Launch Vehicle wei wow wanrah biang ya ki cha pyrthai.
Katkam ka thong yong ka ISRO da thmu ko wow phah bru cha haw-haw ha u Kmaichonglad (December) 2021 tangwa ye i wow chimpor neidaw wa wan ka khlam COVID-19.
