15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Sdang ka sorkar pyrdi ya ki artylli ki yakob neibynta ki jaitbru ri-loom

Advertisement ad1

Ka Tribal Cooperative Marketing Development Federation Ltd (TRIFED), Ministry of Tribal Affairs, ka sorkar India da sdang ko ya ki ar tylli ki yakob kitæ ka Be the Brand Ambassador of Tribes India waka Be a Friend of TRIBES INDIA Contest deiwa ya krehlang waka MyGov.in.

Kini ki yakob da sdang dei thong wow wanrah chakhmat ya ki mar wa chna ki jaitbru ri-loom, ka dustur yong ki wa i rukom im ki iwa daw yarap wow ye ki wow dai yei mar yong ki.

Hapoh ka “Be the Brand Ambassador of Tribes India” toh iwa khut ya i thoh parom chaphang kiwon kiwon ki mar wa pynmih da ki jaitbru ri-loom na kylleiñ ka ri. Ha kini ki parom toh u thoh yei chem manda pynemkaam ya kini ki mar deiwa khana leh neiwon u ye wow yoh ya kini ki mar. Ini i khana parom toh heidur i Video wa jrong 30 Second hadooh  5 Minute. Kini ki mar ye u man nadooh kiwa ye u pynemkaam ki chynrang wa ki khyntai, ki tiar pynriam yung, ki dur wa dei dro, ki mar baam, ki mar thaiñ wa kiwi kiwi.

Kiwa chimbynta hap ki wow booh ya i Video ha YouTube wei kani ka yakob u neh ko hadooh ka 14th May 2021. Daw jied ya 50 ngut kiwa daw yoh ya ki Gift Voucher kiwa daw ye u pynemkaam ha waroh ki Tribes India Showrooms wa Tribesindia.com. Yaka yutip wa bniah ye phi wow lai heini https://www.mygov.in/task/be-brand-ambassador-tribes-india/

Kawi won ka yakob toh hadien wa da pyndep yaka yakob Quiz wa nyngkong wa ka-it bha kiwa chimbynta hajrong ki dustur riti hapoh ka ri wa pynmanlang waka MyGov ha u Thohlakhmi (Feb), kamtæ ka TRIFED daw pynman ko yaka sien ar kani ka yakob kawa da e pyrtuid “Be A Friend of Tribes India”, kani ka Quiz daw sdang ko haka MyGov ha April 2, 2021 wei u neh ko hadooh May 14, 2021. 50 ngut na kiwa jop daw yoh ki yaka Tribes India Gift Voucher, wei u krehkaam ki ha ki Tribesindia.com wa ha waroh ki Tribes India Outlet. Ye u chimbynta ha kani ka Quiz deiwa lai ha https://quiz.mygov.in/quiz/be-a-friend-of-tribes-india-2021/

Ki jaitbru ri-loom em ki palat 8% donhi na waroh i boon bru hapoh ka ri wei da em leh boon i sñiawthooh bakla chaphang yong ki, kamtæ ka TRIFED ka chnat wa em hapoh ka Ministry of Tribal Affairs, da yaleh ko wow kyntu kynrong ya kiwa boon ki kaam khamtam wa yatoh wa ki mar ki mata kamjooh yaka dustur riti.

Share this:
Previous

89,129 ngut kiwa dang yoh COVID-19 ha India, ku kiwa chah ktah 9 chah ha ki ar bnai ha Maharashtra

Next

Da wan ki 4 ngut ki Astronaut ka India hadien wa chah hikai ha Russia