Ka Synjuk Ki Waheh Chnong Jowai daw pynman ko ya ka Wah Myntdu Mass Cleaning Drive namo i pynkhooid ya ka Wah Myntdu ha waroh chilynter ka wah ha ka 10 tarik uni u bnai.
Ha kani ka sngi daw em ka yalang wa tbian ha Madan Chaad Sukra, Iawmusiang Jowai heipor 9:30 i step heiwa u Deputy Commissioner, West Jaiñtia Hills District, u Garod LSN Dykes, daw man u kam u Kongsan.
Hadien ka yalang, ki Dorbar Chnong kamwa da ekti ha ki da ka Synjuk ya ki bynta ka Wah Myntdu daw sdang ki yei pynkhooid.
Heipor 1:00 i sngi won, u P. War, Chairman, Jowai Municipal Board, West Jaiñtia Hills District, Jowai, daw man u kam u kongsan u ha ka yalang ka wow man ha Kroh Syntu Ksiar, Pynthorwah Panaliar, Jowai; kawa man leh ka yalang wow pynkut ya i pynkhooid ha kani ka sngi.
Ka Synjuk Waheh Chnong Jowai, da khut ko ya waroh ki seiñ kreh monsñiawbha, ki Niam wa ki kur kamjooh ki bru samen wow wan cha kani ka sngi wow pynkhooid ya kani ka wah.
Heijooh i por da kyntu ya kiwa khwe wa kiwa kreh ha lynter ka wah wow sangeh ki yei kreh heipor wa pynkhooid ya ka wah.
