U CMD ka MeECL da pyntip u wa i ye wow pynmih bordiñ ka jylla lyngba ka MePGCL kattæ da poi ko cha iwa duna dooh deiwa ye u pynmih du 35-40MW neidaw wa duna ware ka um.
Tangwa la kattæ leh da yaleh wow pynmih bordiñ hadooh 87.54MW, heiwa hei step ka 6 tarik heipor 7 waje da ye wow pynmih hadooh 188.59MW iwa maa wow leh wei heijooh i por ym ye wow pynneh bait kamni. Neidaw leh wa da hap pynsangeh ya ar tylli ki kor pynmih bordiñ ka OTPC Palatana, Tripura nadooh ynne ka 7 tarik hadooh ka 14 tarik uni u bnai, i duna i yoh bordiñ da poi ko cha 3.35MU heiwa iwa emkaam toh 6.1MU.
Kamtæ da ong wa neidaw wa katni toh i por yaleh Exam kamjooh leh wa em ka Election ka GHADC wei yow lait leh u chitom ki paidbah, ka MeECL da hap ko wow thied bordiñ da iwa syad, kamtæ yei mynstep ym hap wow pyndooh bordiñ.