U Montri Rangbah ka jylla u Conrad Sangma, haka 14 tarik uni u bnai daw chongknor u ya ka yalang yow pyrkhat yei long i man heiyatoh wa ka khlam COVID-19 hapoh ka jylla.
“Daw em boon ki kaam wa hap u chim yei rai,” da ong u Montri ka chnat i chait i khiah u A.L. Hek hadien ka yalang ynne ka sngi wa ki sahep ka chnat yong oo.
Katkam wa ong u Hek, u Montri Rangbah daw hap u wow pynlai yaka yalang neidaw wa ki skur ym toh kiwa pait ka chnat i chait i khiah kamjooh i pynkrehkaam ya ki kyndon COVID-19 chong ko wa ki bor District.
“I da pynkreh i ya ki Report heiyatoh wa i long i man i chait i khiah katni. Wei daw rah i ya iwa mih naka yalang ynne ka sngi haka yalang kawa daw pynlai da u Montri Rangbah,” da ong u Hek.
Da ong u leh wa ka chnat yong oo daw wanrah ko yei tyrwa tangwa ym toh hei dur ka Lockdown 1.0. Chooh chooh da ong u wa ka chnat da pynkhreh ko lada jia iwon iwon lada ku kiwa yoh COVID-19.
Heiyatoh won wa ku kiwa dang yoh ya uni u khñiang kiwa liwan chapoh ka jylla, u Hek da ong u wa ym khang yei psiah ki bru chapoh ka jylla wei kini ki bru hap ki wow leh yaka RT-PCR Test.
Heijooh i por da ong u leh wa hajrong ini waroh daw chim yaka rai haka yalang wa daw pynman wa u Montri Rangbah.
