U MP ka Lok Sabha na Shillong Parliamentary Constituency, u Vincent H Pala da pyntip u wa ka Meghalaya Pradesh Congress Committee (MPCC) daw jied noh ko ya u President wa thymme hadien ka Election MDC ha Garo Hills, heiwa da kubur u leh wa em i tyrwa ya oo wow chimkti ya i kaam kam uwa yahkhmat ka Party.
Da pyntip u leh wa nadooh i por wa da ieh u Dr. DD Lapang ya ka Congress, da em i tyrwa ya oo wow chimkti noh ya i kaam President MPCC, tangwa da pynsñiaw u dang em boon kiwa yahkhmat wa rap heh ha ka Party wei chem u yei eh leh wow chimkti ya i kaam neibhah wa hap u wow beh na Delhi cha Meghalaya.
U Pala da kubur u leh wa em i tyrwa katni leh wow chim kam u President ka MPCC, heiwa da pynsñiaw u yei jooh i sñiaw wa dang em kiwa yahkhmat kiwa rap heh, tangwa da ong won u wa chong ha ki heh ka Congress na Delhi lada yoo biang ki wow pynkham kti ha oo ya i kaam President.
