Ha ka lyngkhooh snem wa 3 ka Ayushman Bharat, ka State National Health Mission da pynman ko yaka Sensitization Workshop wa chi sngi kawa yatoh wow pynsñiawthooh ya kiwa boon ki jait chakri wa e ki Comprehensive Primary Health Care (CPHC) lyngba ka Ayushman Bharat-Health and Wellness Centre (AB-HWC) neibynta i sñiawthooh ki State Nodal Officers wa District Nodal Officers ynne ka sngi ha Moreau Institute of Integral Training (MIIT), Shillong.
U A.L. Hek, Minister ka Health and Family Welfare da wan u kam u kongsan hei emlang u Ram Kumar, Mission Director, National Health Mission, Dr. R. F. Tariang, Director of Health Services, MCH & FW, Dr. S.S. Nongbri, Joint Director of Health Services MCH & FW cum State Nodal Officer, CPHC wa ki Nodal Officers kiwi ki Program.
Hawa e yei klam, u Hek da yaroh u ya ki wakreh Front Line Worker ki Health and Wellness Center kiwa da yarap wow pynman ya kini ki 3 snem ki Comprehensive Primary Health Care iwa jop. U Minister da ban joor u leh yei emkaam wow yada nei kjut lyngba ki Health and Wellness Centers kiwa em ha kiwa boon ki bynta ka jylla yow e yei sumaar cha waroh ki bru ka jylla.
U Hek da kyntu u leh ya ki sahep wow pynjoor yei pynman ya ki pynsñiawthooh paidbah hajrong ki kaam i chait i khiah wei yow pynchlur ya ki paidbah wow wan ki chakhmat yow thap pyrtuid hapoh ka Megha Health Insurance Scheme (MHIS).
U Ram Kumar, Mission Director NHM hei klam yong oo da ban joor u yei emkaam wow e yei chakri wa paka ha waroh ki Health and Wellness Centers deiwa pynbniah yei sap kamjooh wow pynkhlan ya ki wakreh Front Line Worker. Da yaroh u leh yei kreh ki State, District CPHC deilang wa ki Technical Partner, Jhpiego-NISHTHA hawa pynkrehkaam ya ki Health and Wellness Centers.
Ha kani ka yalang, u Hek da pynlait u leh ya ka kot Coffee Table Book kawa pynyoo yei lai luti ki AB-Health and Wellness Centers nadooh u 2018 deilang wa i pynlait ya ki Poster wa ki Video yong ki bru wa khana yeiwa da yoh yarap ki lyngba ka Ayushman Bharat.
U Hek da pynkup burom u leh ya ki wakreh kiwa da lehbha heiwa ka West Garo Hills District da yoh ko yei naam Best Performing CPHC District.
Kiwi de kiwa da e yei klam toh ka Dr. R. F. Tariang, Director of Health Services, MCH & FW wa u Dr. S.S. Nongbri, State Nodal Officer, CPHC kiwa da klam hajrong ka Ayushman Bharat–Health and Wellness Program wa ki thong wa da poi ki.
Ki phang wa da yaklam ha kani ka Workshop kynthup ko ya ka “Orientation of CPHC, AB –HWC”, “Expanded range of Services for delivery of CHC through AB-HWCs” wa “Action Plan for 2021-22” wa e da ki State Zonal Manager CPHC waki Technical Partner Team Jhpiego.
