Ka seiñ All Hynniewtrep People United Front (AHPUF) dap ko dei sñiawkhia wa joor hajrong i sih ware u sarok ha chnong Jowai.
Ka seiñ da ong ko wa kamwa man katni, ka Jowai man ko kawa le hei heh na ki sor ha jylla wei man ko kawa khooid wei kawa chongsuk chongsaiñ tangwa la ar le snem kattu ki paidbah da chem chitom bha ki neidaw wa sih ware u sarok.
Da kdaw wa ki sarok da sih bha toh khamtam u sarok Thomas Jones Road, ka D.C. Office By-pass (nadien Iawchor), Iawmusiang, ka sarok na Salaroh Rumphum cha Mooralong wa ka sarok na Khimusniang cha Oorkhla.
Hajrong ini, ka seiñ dadep thoh ko cha u Executive Engineer ka Jowai South wa Jowai Central Division wow chna pynmiat ya u sarok tangwa ym em wa mano hadooh katni.
Ka seiñ da beiñ ko leh ya ka sorkar wei da dawa ko leh na ka sorkar wow chimkhia hajrong ini neibynta i bha i miat ki paidbah.
