Ka Jaiñtia Students Movement (JSM) hadien wa ujor kiwa boon khamtam kiwa lai emkaam ha SDEO Jowai wa hap yang ki nadooh 10:00 waje hadooh 12:00 waje du neidaw wa slem ki wakreh wow wan cha ka Office.
Ka seiñ leh da chem ko ya ini ynnin ka sngi heipor wa pynman yakhih ka seiñ deiwa khang tala ya ka yungkrehkaam ka DSEO heiwa da yoo wa em ki wakreh wa wan 12:00 waje chaneiñ du neidaw wym em wa pait tæ da leh ki katwa ngait.
Ka seiñ da kylli ko wa neibynta yong yi kreh kini ki bru ha kani ka Office?
Heijooh i por da maham leh wa neini daw pynman ka seiñ ya i sylli iwa khlem poi pyrkhat namo ka Surprise Inspection wei lada chem wa ym biang por ki wakreh daw leh noh deiwa emkaam.
Da kylli leh wa lada ka sahep kam ka SDEO yoo ko wa slem ki wakreh wow wan kreh, iyi da leh hajrong ini?