Ka Hynniewtrep Achik National Movement (HANM) da maham ko wow khang ya ki dukan marbaam ha Ïewduh lada kiwa khayi wa ki mahajon chim kabu ki wow pynku dor.
Kiwa yahkhmat ka HANM da yachem ki wa ka Deputy Commissioner ka East Khasi Hills, ka Isawanda Laloo yow pynsñiaw hajrong i eh wa ki paidbah yachem ki nei pynku dor palat pood ki mahajon ya ki marbaam, wa kynthup ya u khoo, phniang baam wa kiwi kiwi.
U Lamphrang Kharbani uwa man u President ka HANM da ong u wa lada ki bor District ym ye ki wow kdoh u khoom ya ki mahajon kiwa chim kabu wei lada ym ye wow pynbait ryntih ya i dor hapoh chi tayaw, neiliang ka seiñ ym yohsa ko wow khynra hi ya ki dukan wei yow khang syndon lada chem wa em i pynku dor palat pood ya ki marbaam.
Da pyntip u wa neiliang ka DC da phah ko ya ki Inspector ka chnat Food & Civil Supply wow lai pait smat ya waroh ki dukan marbaam ha Ïewduh, wei ka seiñ dawa ko na ka DC wa toh u pynbna ya i dor yong waroh ki marbaam lyngba ki laad pathai khubor neibynta i myntoi ki paidbah.