Ka KSU Shillong Law College Unit hapoh i yahkhmat u Alerick Kharjana (General Secretary) wa u Baniarap Snaitang (Vice President) da lai yachem ki ya u Prof. Henry Lamin, Pro Vice Chancellor yong ka skurbah North Eastern Hill University hajrong i pynslem ya ka Result yong ka 2nd Semester wa 4th Semester yong ka LLB.
Ha ini i lai yachem ya u Pro Vice Chancellor da synraan lang da kiwa yahkhmat ka KSU seiñbei nadooh u Shiningstar Kharbihkhiew (Asst. Education Secretary KSU seiñbei), u Forwardman Nongrem (CEC Member KSU seiñbei) wei kamjooh leh ki dkhot yong ka KSU NEHU Unit .
Ha ini i lai yachem ka seiñ da paan pynche ko hajrong wa suki wei pynsahteiñ u pynbna yaka Result 2nd Semester wa 4th Semester yong ka LLB hanla da dep wow thoh nadooh u Duyatra (Jan) yong uni u snem katwa ya ka 3rd Semester wa 5th Semester ha u Wisu (March). Wei ini i pynslem da ktah ko ya kiwa lai puræ ki wym ye de u wow pait bniah (Assess) ya ki Marks yong ki neibynta wow leh rap bha ha ki Exam yong ki Semester wa hadien yong ki.
Ha ini i yachem, neiliang ki bor pynlai ka NEHU nadooh u Pro Vice Chancellor wa u Registrar of Examination da kular ki wow pynbiang wei pynmih noh yaka Result hapoh uni u bnai.
Ka seiñ da yooluti ko wa ki bor pynlai ka NEHU daw chimkhia ki ya kani ka phang neibynta i myntoi yong kiwa lai puræ Law hapoh yong ka jylla hi waroh kawi.