Ka yung krehlaam u District Medical & Health Officer, West Jaiñtia Hills daw pynman ko ya ka COVID-19 Vaccination Drive ha Jowai Urban Area ya kiwa da em palat 45 snem i rta ha ka 26 tarik uni u bnai ha Ladthadlaboh Indoor Stadium, Jowai, haka 27 tarik ha Yungwalieh ka Loomiongkjam, 29 tarik ha Iawmusiang Tympang Club Hall, Jowai nadooh 10:00 waje i step hadooh 5:00 waje i janmiet.
Ki paidbah ye ki wow Register wow yoh ya i dawai yada COVID-19 ha www.cowin.gov.in næ lyngba ka Aarogya Setu App.
Da chah du soo ngut donhi ki bru wow Register na kawi ka mobile number wei ye leh u Register pyn ha i thaw e dawai.
Heipor wa e dawai emkaam wow rah ya ka ID yow pynsakhiat kam ka EPIC, Aadhaar, PAN Card, ki kot Pension, Driving License wa kiwi ki kot wa e ka sorkar kiwa em dur wa ka sngikha. Ki Identity Card wa pynemkaam heipor Registration toh u rah da ki jooh heipor wa chim dawai.
Ka yung krehkaam u District Medical & Health da kyntu ko ya waroh kiwa palat 45 snem wow wan chim ki ya ini i dawai.
