U Deputy Commissioner, West Jaiñtia Hills da pyntip paidbah u wa waroh kiwa wan na baar ka jylla Meghalaya cha West Jaiñtia Hills District emkaam wow Register ki Online ha ka https://meghalayaonline.gov.in/covid/testing.htm wei wow Download ya ka Arogya Setu App wa ka Behavioral Management App na u Google Play Store.
Kiwa wan psiah emkaam wow Test ki ha ki Covid Testing Center wei ymtoh u liwan ki cha chnong kat wympu dep Test ki wei emkaam wow pyntip leh ya ki Waheh Chnong chwa wow psiah ki cha chnong khnang wow ye ki wow pyntip cha ki bor District.
U Deputy Commissioner da leh u yeini neibhah wa da em kiwa wan na baar jylla chapoh ka District khlem Registration, khlem Test wei pyntip cha ki bor wei ini da wanrah i yei poor ka khlam COVID-19 iwa wanrah yei maa ya ka imlang sahlang.
Kiwa liwan cha chnong khlem leh Test næ pyntip chwa ya ki bor daw pynchitom ya ki katkam ki kyndon ka aiñ.