Kam chibynta wow yada naka khlam COVID-19 hapoh ka jylla, kamjooh hapoh ka District, yow ye leh wow pyndooh ya kani ka khlam. Ka District Magistrate, East Khasi Hills District da pynmih hukum ko ynne ka 26 tarik u Naitung (Apr), 2021 hapoh Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 yow pynkrehkaam biang yaka Night Curfew ha East Khasi Hills District nadooh ka 26 tarik u Naitung (Apr) hadooh ka 2 tarik u Naisan (May), 2021 neibynta i por 10:00 waje i miet hadooh 5:00 waje i step man-ka-sngi.
Ka District Magistrate da pyntip ko wa kani ka hukum ym krehkaam ko yaki ki wakreh wa yatoh wa u COVID-19, ki pulit, ki chipai, ki Civil Defence & Home Guards Volunteers, ki wakreh hei chait i khiah kiwa leh yei kaam wa yatoh wa u COVID-19 ha ki Corona Care Centre, ki Wholesale wa Retail Pharmacy, Fire & Emergency Service, MeECL, NEEPCO wa Power Grid, ki kari FCI, ki wakreh ha ki sorkar kiwa leh yei kaam yong ki wa ki wakreh ki Corona Care Centre, Information & Public Relations Department, ki laad pathai khubor, ka National Highway & Infrastructure Development Corporation Ltd (NHIDCL), Shillong Municipal Board waka Telecom Service.
Ki Petrol Pump wa kiwa leh ya i Home Delivery ya ki baam wa da dep chet u chah u krehkaam ki hadooh 11:00 waje i miet.
Kini waroh hap ki wow bood thij yaki kyndon sorkar kam yaka Social Distancing, i pynduna yaki bru wakreh yong ki wa kiwi de ki kyndon wa da pynmih daka Health and Family Welfare Department, khlem pep.
Chah hi yei lai i wan ki kari wa kit yaki mar wa emkaam, kiwa kit chipai, ki tiar sumaar sukhær, ki thaw chna kari leh toh kiwa lait na kani ka hukum. Kiwa yah kari wa kiwa yarap yaki hap ki wow leh yaka Medical Screening katkam ki kyndon.
Yaki Curfew Pass ye wow yoh lyngba ka Online Application ha www.eastkhasihills.gov.in.
