U montri rangbahdooh ka ri, u Narendra Modi ynne da yachem u ya u khlieh dooh ki chipai ka ri namo u Chief of Defense Staff (CDS) u General Bipin Rawat wow booddien yei pynkhreh ki chipai ka ri wow yakhun ya ka khlam COVID-19.
U CDS da pyntip u wa waroh kiwa kreh (Medical Personnel) kiwa kiwa da chong-ngiah chwa i por yong ki ha kini ki ar snem, da khut biang ya ki wow kreh ha ki thaw sumaar Covid (kiwa jan na i thaw sah ki) wei da kyntu leh ya waroh kiwa da chong-ngiah (Medical Officers) wow e chakri biang ki kam ha kini ki por.
Da pyntip u leh wa waroh ki Doctor kiwa kreh ha ki Command HQ, Corps HQ, Division HQ & Similar HQ yong ka Navy wa Air-Force daw pynkreh ya ki ha ki Hospital.
U CDS da pyntip u leh wa waroh ki Nurse da pynkreh ya ki ha ki Hospital wei da pyntip leh ya u Modi hajrong i em ki Oxygen kiwa daw pynlait noh ya ki cha ki thaw sumaar.
Heijooh i por da pyntip u wa da pynkhreh ya ki thaw sumaar kiwa heh wei lada emkaam wot ki thaw sumaar ki chipai kiwa da em chwa leh daw ye u pynemkaam noh ki paidbah.
U Modi da booddien u leh yei kaamram ka Indian Air Force hei wow kit ya ki Oxygen wa kiwi ki mar wa emkaam na India wa na baar ri.
Da yaklam leh hajrong ki Kendriya and Rajya Sainik Welfare Boards wei ki sahep wa em ha ki Headquarter daw yakreh ki waki chipai wa da chong-ngiah wow e yarap cha ki paidbah kiwa em cha palatsor.
