U District Magistrate ka West Jaiñtia Hills kam chibynta wow bood ya ka hukum ka sorkar yow booh kyndon hapoh ka chnong Jowai yow kdoh u khoom yei por ka khlam nadooh ka 1 tarik u Naisan nadooh 5 waje i step hadooh ka 10 tarik u Naisan hadooh 5 waje i step. Da pynbna u ya kini ki kyndon ha wah:
Neibynta waroh kawi ka West Jaiñtia Hills District
Ha waroh kawi ka District ym chah wow pynman ya kiwon kiwon ki yalang paidbah kamjooh ki Training.
Ki bia emkaam wow yoh bor chwa na u DC Jowai lane na u SDO Amlarem wei u chah u em du 30 ngut ki bru.
Ki kaam wa yatoh wa i yap bru u chah hi deiwa em du 30 ngut ki bru wei emkaam wow booh ya ka Register yow chim yei pyrtuid, thaw sah, wa ki mobile number kiwa wan pyntngen.
Da khang ya waroh kiwa uiñke suwari kiwa wan na baar ka jylla wei da khang leh ya waroh ki thaw uiñke suwari. Da khang leh ya waroh ki khayi khappood wa kiwi ki ri deilang wa ki yalehke Sports.
Ki kyndon neibynta ka chnong Jowai:
Ki dukan wa dai ya ki mar wa emkaam u wai ki ha ka Monday, Wednesday wa Friday nadooh 9:00 waje i step hadooh hadooh 4:00 waje i janmiet. Ki Waheh Chnong ye ki wow pynbiat yei wai dukan da i Odd/Even Number.
Ki dukan wa yatoh wa ki Hardware, Electrical, Plumbing & Sanitary Ware, kiwa chna Computer, chna kari u wai ki ha ka Tuesday wa Thursday nadooh 9:00 waje i step hadooh 4:00 waje i janmiet (ym toh Tuesday wa Friday kamwa da thoh bakla ha ka hukum).
Ym em khang ya ki Bank, ki Post Office wa ki Telecommunication Services.
Ym em khang yei wai ki yung krehkaam wa emkaam ka sorkar jylla.
Ki thaw kreh ka sorkar pyrdi wa ki Bank u krehkaam ki 100% ki wakreh neibynta ki Group A katwa 30% ki Group B, C wa D.
Ym em khang yei lai i wan kiwa ye u pynsakhiat kiwa yatoh waka sumaar sukhær, i lai chim dawai tika, ka rep ka riang hadooh ki kaam wa yatoh wa ki mrad wa ri wa psan, i kit ya ki mar wa emkaam, i lai i wan kiwa yaleh Exam, kiwa sikai wa kiwi kiwa embynta hei pynman Exam.
Ym em khang leh ya ki kari wa kit mar, ki E-Commerce, kiwa kit ya ki dawai dachin, kiwa leh Home Delivery, ki laad pathai khubor wa ki bru wakreh hei chna yung wa kiwi ki jait kaam kam kini ki jait.
Ym em khang yei lai i wan ki bru wa leh ya ki kaam wym hoi u dam nadooh ki wakreh heiyatoh wa u COVID-19, ki pulit, ki chipai, ki Home Guard, ki pulit tympleh diñ, ki wakreh hei pynpoi bordiñ (NEEPCO, MeECL, Powergrid wa kiwi kiwi), ki wakreh PHE, PWD, NHAI, NHIDCL, Municipal Food Corporation of India, DIPR, Bank, Post Office wa Telecommunication.
Ki kaam wa khang u leh ha Jowai:
Waroh ki thaw puræ u man ki kiwa khang, ki yung mane leh, lait nei em i bia deiwa yoh bor na ki DC lane SDO ka Amlarem Sub-Division.
Waroh ki yung krehkaam ki bru samen u man ki kiwa khang lait noh kitu kiwa leh ya ki kaam wa emkaam wa ym hoi u dam.
Ki yung krehkaam ka sorkar pyrdi kiwa ym emkaam namo ki Non-Essential ye ki wow khang wei wow kreh na yung.
I mih ki kari kamai u pynduna da ¼ kamjooh yeiwa ye ki u kit. U chah u pynemkaam ya ki kari kamai neibynta kitu kiwa lai ya ki kaam kiwa chah kiwa da kdaw haneiñ.
Ki kari lait na ki kari kamai kiwa da kdaw ha wah, ym chah wow mih ki lada ym em yoh Pass ki na u DC lane u SDO ka Amlarem.
I rukum lai ki kari kamai man i kamni ha wah:
Da ong leh wa lada ym toh wa emkaam wow lai, da kyntu ya ki paidbah wow dam u lai wei lada thok yeiwa emkaam daw chah pynchitom katkam ka aiñ.
Ki jait dukan wa chah u wai kamjooh waroh ka hukum yei phi wow yoh deiwa click ha wah.
